Çin koronavirus pandemiya ilə mübarizəyə ən azı 9 trilyon dollar ayırmalı idi.

Axar.az xəbər verir ki, bu sözləri ABŞ Dövlət katibi Mayk Pompeo deyib.

“Pandemiya ilə mübarizədə Çinin ödədiyi məbləğ bütün dünyanın ödədiyi ilə müqayisədə heç nədir”, - amerikalı rəsmi bildirib.

Pompeo əlavə edib ki, pandemiya 90 min amerikalının həyatına son qoyub, 36 milyondan çox vətəndaş isə işini itirib:

“Dünya üzrə 300 mindən çox insan ölüb. Hesablamalarımıza görə, iqtisadi itkilər 9 trilyon dollar civarındadır”.

Qeyd edək ki, Çin pandemiyaya görə dünya ölkələrinə 2 milyard dollar yardım edəcəyini açıqlayıb.