Rusiya hakimiyyətinin İrəvana qarşı inamsızlığı güclənir, qarşılıqlı münasibət daha da çətinləşir.

Axar.az xəbər verir ki, bu məlumatı Ermənistanın “Past” qəzeti yayıb. Qəzet son iki ildə Ermənistan-Rusiya münasibətlərinin qeyri-müəyyən olduğunu bildirib:

“İşlər o həddə çatıb ki, indi Xarici İşlər naziri Zöhrab Mnatsakanyan və Baş nazir Nikol Paşinyanın özü Rusiya ilə real problemlərin olması faktını etiraf edirlər. Lavrovun kəskin Qarabağ bəyanatı, Paşinyanın Moskvaya səfərindən imtinası, qaz qiymətləri, Lavrovun zəngi və Köçəryanın həbsinin müzakirə edilməsi, eləcə də spiker Ararat Mirzoyanla Duma sədri Vyaçeslav Volodin arasında qalmaqallı telefon danışığı Moskvanın təzyiq etdiyinə açıq nümunədir”.