Bütün dünyadan olan 40 mindən çox səhiyyə işçisi iki malyariya əleyhinə preparatın – hidroksixloroxin və xloroxinin koronavirusun qarşısının alınmasında effektivliyinin qlobal sınaqlarında iştirak edəcək.

Axar.az xəbər verir ki, bu məlumatı Mahidol Oksford Tropik Tibb Tədqiqatlar Mərkəzi yayıb. Qlobal testin Britaniyanın Oksford və Brayton şəhərlərində keçiriləcəyi bildirilib.

“Laborator tədqiqatlar göstərir ki, bu preparatlar profilaktika və COVİD-19-un müalicəsi üçün effektiv ola bilər, amma buna əminlik yaradacaq sübutlar yoxdur. Buna baxmayaraq, preparatlar bəzi ölkələrdə geniş tətbiq edilir”. - məlumatda qeyd edilib.