Moskva Açıq Səma Razılaşmasının öhdəliklərinə tam əməl etmək niyyətindədir.

Axar.az xəbər verir ki, bunu Rusiya Xarici İşlər nazirinin müavini Aleksandr Qruşko deyib. O, razılaşmanın digər iştirakçılarının da müqaviləyə əməl edəcəklərinə ümidvar olduğunu bildirib.

Qeyd edək ki, ABŞ Prezidenti Donald Tramp bu razılaşmadan çıxmaqla bağlı əmr imzalayıb. Əmrə əsasən, ABŞ 6 ay ərzində razılaşmadan tam olaraq çıxacaq. Vaşinqton bu addımına səbəb kimi Moskvanın razılaşmanın şərtlərinə əməl etməməsini göstərib.