Britaniya Baş naziri Boris Conson ekspertlərə ölkənin vacib tibbi xarakterli predmetlər və digər strateji məhsullarla özünün təminat planını hazırlamağı tapşırıb.

Axar.az xəbər verir ki, bu məlumatı “Tayms” qəzeti yayıb.

Qəzet Consonun bununla Britaniyanın Çin idxalından asılılığına son qoymağa çalışdığını bildirib.

“Tayms” “Project Defend” adlanan proqram çərçivəsində iqtisadiyyatın əsas asılı tərəflərinin müəyyən ediləcəyini vurğulayıb. Artıq bunun üçün iki idarələrarası qrup yaradılıb. Qrupların hədəfi tədarükün diversifikasiyası, strateji vacib istehsalın yenilənməsi və dəstəklənməsindən ibarətdir.