16:29

Moskvada “Alfa Bank”ın filialında 5 nəfər girov götürülüb.

Axar.az xəbər verir ki, naməlum şəxs və ya şəxslər bankın Moskvanın mərkəzindəki filialında girovları götürdükdən sonra binanı partladacağı ilə bağlı hədələyiblər.

Hazırda hüquq-mühafizə orqanlarının əməkdaşları danışıqlar aparır.

***

Hüquq-mühafizə orqanları əməliyyat keçirərək, şəxsi zərərsizləşdirə biliblər.

Tümən vilayətindən olan 1986-cı il təvəllüdlü Aleksey Barışnikovun banka girəndən sonra binanın minalandığı və çantasında bomba olduğunu bildirərək, 6 nəfəri girov saxladığı qeyd olunub.

Onun doğrudan da çantasında bomba olduğu isə hələ təsdiqlənməyib.

A.barışnikovun hansı niyyətlə bu addımı atdığı da bilinmir.

Əməliyyat zamanı heç kəs xəsarət almayıb.