İspaniya hökuməti koronavirus pandemiyasının qurbanları ilə bağlı 10 günlük milli matəm elan edəcək.

Axar.az xəbər verir ki, bu barədə İspaniya Baş naziri Pedro Sançes məlumat yayıb.

"Çərşənbə axşamı hökumət pandemiya qurbanlarının xatirəsinə hörmət əlaməti olaraq ölkə ərazisində rəsmi matəm elanını təsdiqləyəcək. Matəm 10 gün davam edəcək. Bu, demokratik tariximizdəki ən uzun rəsmi matəmdir", - P.Sançes qeyd edib.

Xatırladaq ki, İspaniyada COVİD-19-a 234 mindən çox insan yoluxub. 28 min 628 nəfər isə dünyasını dəyişib.