Həbsdən yenicə azad edilmiş, Avropa Gürcüstanı Partiyasının liderlərindən biri olan Gigi Uqulava Mixail Saakaşvilidən danışıb.

Axar.az Publika.az-a istinadən xəbər verir ki, Uqulava Saakaşvilinin Ukraynada vəzifəyə təyin olunmasına öz münasibətini bildirib. O qeyd edib ki, bir Gürcüstan vətəndaşı kimi ölkənin sabiq prezidentinin uğuru onu çox sevindirir.

Uqulava, həmçinin Bidzina İvanişvili ilə Saakaşvilini müqayisə edib:

"İvanişvili bu gün Gürcüstan siyasətinin ən böyük problemidir. Buna baxmayaraq, onun ölkədə uzunmüddətli siyasətçi rolu aparması üçün siyasi resursları yoxdur, ancaq bundan fərqli olaraq Saakaşvilinin Gürcüstan siyasətində böyük siyasi resursları və təcrübəsi var. İvanişvilidən fərqli olaraq o, ölkədə daha uzunmüddətli siyasi sima olaraq qalacaq", - deyə Uqulava bildirib.

Müxalifət lideri Mixail Saakaşvilinin Gürcüstana qayıdacağını da qeyd edib.

"Gürcü Arzusu deyir ki, əgər hakimiyyətdə biz olmasaq, Saakaşvili olacaq, Təbiidir ki, Saakaşvili Gürcüstana mütləq qayıdacaq", - deyə Uqulava bildirib.