Rusiyanın neft ixracından gəliri son 20 ilin göstəriciləri ilə müqayisədə azala bilər.

Axar.az xəbər verir ki, bunu “Kommersant” qəzetinə müsahibəsində Rusiya Hesablamalar Palatasının rəhbəri Aleksey Kudrin deyib.

O, ölkədə böhran ucbatından neft istehsalının azalmayacağını bildirib.

Kudrinin sözlərinə görə, qeyri-neft sektoru dinamik şəkildə inkişaf etməyəcəyi halda Rusiya iqtisadiyyatı problemlərlə üzləşəcək.

Kudrin Rusiya üçün neft iqtisadiyyatından bilik və texnologiya iqtisadiyyatına dönüş üçün kritik anın yetişdiyini bildirib.