İngiltərənin Baş naziri Boris Consonun müşaviri Dominik Kamminqsi karantin qaydalarını pozmadığını və müxalifətin istefa tələbinə müsbət cavab verməyəcəyini açıqlayıb.

Axar.az xəbər verir ki, bu barədə Sputnik yayıb. Məlumata görə, D.Kamminqsi həyat yoldaşında korona əlamətləri olduğu üçün onu 4 yaşında oğlu ilə tək buraxmaq istəmədiyinə görə 400 km uzaqlıqdakı Durham şəhərində yaşayan valideynlərini ziyarət etdiyini bildirib. Həmçinin, o qeyd edib ki, ailəsi və özü səhhəti yaxşılaşdıqdan sonra Londona geri dönüblər.

D.Kamminqsi bunun üçün peşman olmadığını və azyaşlı uşaqlarla bağlı istisna hallara icazə verildiyini qeyd edib.

O, həmçinin, qaydaları pozmadığını, buna görə də üzr istəməyəcəyini bildirib.

Qeyd edək ki, koronavirusla əlaqədar İngiltərə hökumətinin qəbul etdiyi qərarda virus əlamətləri olan şəxsin ən azı 7 gün evdə qalması və xəstə olmasalar belə, şəhərlərarası səyahət etmələri qadağan olunub.