Ermənistan parlamentinin spikeri Ararat Mirzoyan deputatlara xəbərdarlıq edib.

Axar.az xəbər verir ki, Mirzoyan parlamentin iclasına maskasız qatılan deputatların iclasa buraxılmayacaqlarını deyib.

“Koronavirus pandemiyası ilə əlaqədar komendantın qərar və sərəncamlarını nəzərə alaraq, maska taxmayan deputatlara xəbərdarlıq edəcəm və lazım gələrsə, onları parlamentin iclasından 7 gün müddətinə uzaqlaşdıracam”, - Mirzoyan bildirib.

Spiker ilk xəbərdarlığını Çiçəklənən Ermənistan fraksiyasından olan deputat Gevorq Petrosyana edib.

Qeyd edək ki, Ermənistanda son günlər yoluxma pik səviyyəyə qalxıb. Səhiyyə naziri artıq xəstəxanalarda korona müalicəsi üçün cəmi 32 yer qaldığını bildirib.