Liviyadan qaçaraq Maltaya gedən 20 muzdlu hərbçi arasında Böyük Britaniyanın sabiq 5 əsgərinin olduğu ortaya çıxıb.

Axar.az xəbər verir ki, bu barədə İngiltərənin “Deyli Teleqraf” qəzeti BMT Təhlükəsizlik Şurasının Liviya ilə bağlı gizli hesabatına istinadən məlumat yayıb.

İddia edilir ki, həmin 5 əsgər Böyük Britaniya Krallığının Hərbi Hava və Hərbi Dəniz Qüvvələrinin sabiq əməkdaşları olub. Onları Liviyada Xəlifə Haftar ödənişlə ordusuna cəlb edib. Hərbçilərin hər biri adambaşına 150 min dollara razılaşıb.

Onların işi hücum helikopterləri ilə Türkiyə gəmilərini vurmaq olub.

Əməliyyat alınmadığı üçün muzdlu hərbçilər Maltaya qaçıb.