Xəbər verdiyimiz kimi, Ukraynanın sabiq Prezidenti Viktor Yanukoviçin oğlunun cəsədi Krıma gətirilib.

Axar.az xəbər verir ki, Rusiyadan Krıma 2 mikroavtobus gəlib. Bu mikroavtobusların Yanukoviçin oğlunun cəsədini gətirdiyi bildirilib. Bundan əvvəl isə Yanukoviçin cənazəsinin xüsusi təyyarə ilə Krıma gətirildiyi bildirilmişdi.

Ukrayna Daxili İşlər nazirinin müşaviri Anton Geraşenko sabiq prezident Viktor Yanukoviçin kiçik oğlu Viktor Viktoroviç Yanukoviçin Baykal gölündə öldüyü barədə məlumatı təsdiqləyib.

Xatırladaq ki, martın 22-də bəzi KİV oğul Viktor Yanukoviçin öldüyü barədə xəbər yaymışdı. Məlumata əsasən, onun və digər 5 nəfərin olduğu mikroavtobus qadağan olunmasına baxmayaraq, Baykal gölündə buzun üstü ilə hərəkətdə olarkən buz qırılmış və nəqliyyat vasitəsi suya batmışdı. Nəticədə də ölənlər arasında Yanukoviçin də olduğu bildirilmişdi.