Azərbaycanın Ermənistan tərəfindən işğal edilmiş Qarabağ bölgəsində koronavirusa yoluxanların sayı artıb.

Axar.az erməni mediasına istinadla xəbər verir ki, indiyə kimi cəmi 926 test aparılıb və onlardan 46-sı pozitiv çıxıb.

Testlərin artacağı halda koronaviruslu xəstələrin sayında da kəskin artım olacağı bildirilib.

Qeyd edək ki, ermənişünas alim İsmayıl Tanrıverdi Ermənistanın Baş naziri Nikol Paşinyanın koronavirusa özünün dediyi kimi iclasda deyil, Qarabağda keçirilən qondarma seçkilərdə iştirakı zamanı yoluxduğunu bildirmişdi.