Koronavirusun Əfqanıstanda yayılmasına nəzarət olunmadığı üçün ölkə humanitar fəlakətlə üz-üzədir.

Axar.az xəbər verir ki, bu məlumatı Beynəlxalq Xilas Komitəsi yayıb.

“80-90 faiz potensial yoluxmalar test edilmir. Əfqanıstan testlərin müsbət nəticələri baxımından ən yüksək göstəriciyə sahib ölkədir. Bu da ölkədə hələ aşkar edilməmiş yoluxma səviyyəsinin yüksək olduğunu sübut edir. Təkcə may ayında təsdiq edilmiş koronavirusa yoluxma sayı 684% artıb”, – deyə komitədən bildirilib.

Komitə, həmçinin, beynəlxalq ictimaiyyəti Əfqanıstana yardıma çağırıb.

Təşkilat ölkədəki müharibənin Əfqanıstanın bütün səhiyyə sistemini dağıtdığını bildirib.

Ölkədə 11 milyon insanın pandemiya ucbatından qida çatışmazlığı ilə üzləşdiyi vurğulanıb.