Gürcü Marşı ultramillətçi hərəkatı parlament seçkisində iştirak üçün partiya yaratmaq barədə qərar qəbul edib.

Axar.az xəbər verir ki, bunu “Pirveli” televiziyasına açıqlamasında hərəkatın liderlərindən olan Sandro Breqadze deyib.

“Biz güclü millətçi qüvvə yaratmaq üçün siyasi prosesə başlamağa məcburuq. Oxşar baxışları olan bir sıra siyasi qüvvələrlə birləşmək üçün danışıqlar aparırıq”, – deyə o bildirib.

Qeyd edək ki, Gürcü Marşı ultramillətçi baxışlarıyla məşhurdur. Təşkilat immiqrasiya, LGBT ilə bağlı sərt çıxışlarıyla seçilir. Gürcü Marşı həmçinin azərbaycanlılara qarşı da ifrat irqçi mövqeyi ilə seçilir.

Müxalifət isə təşkilatı Gürcü Arzusu ilə əlaqələrdə ittiham edir.