ABŞ Prezidenti Donald Tramp Almaniyadakı hərbi heyətin 9,5 min üzvünün ölkədən çıxarılması üçün qərar qəbul edib.

Axar.az xəbər verir ki, bu barədə “Vol Strit Jurnalı” məlumat yayıb.

Bildirilib ki, hazırda Almaniyada 34,5 min amerikalı hərbçi var.

Sözügedən qərarın ötən ilin sentyabrından müzakirə olunduğu və Almaniya kansleri Angela Merkelin G-7 sammitində iştirakdan imtinası ilə bağlı olmadığı deyilib.

Bundan əlavə, “Röyter” agentliyi Almaniyadan çıxarılan əsgərlərin Polşa və digər müttəfiq ölkələrə yönləndiriləcəyini yazıb.