Fransada qəzaya düşən "Germanwings" şirkətinə məxsus təyyarənin pilotu ilə bağlı şok məlumat yayılıb.

ANS-in məlumatına görə, 150 nəfəri qəsdən öldürməkdə günahlandırılan köməkçi pilotun şəxsiyyətinin açıqlanmasının ardından Feysbukda hamını şoka salan bir paylaşma edilib.

Əsas pilotun kabinədən çıxmasından istifadə edərək qapını bağlayıb təyyarəni başı aşağı yerə salan Andreas Lubitzin kimliyi açıqlanandan sonra Feysbukda "İŞİD qəhrəmanı Anders Lubitzə dəstək" adlı səhifə yaradılıb.

Özüylə birlikdə 150 ​​adamın ölümünə səbəb olan köməkçi pilotun fotoşəkilinin paylaşıldığı səhifədə "Allah sizi sevir" yazısı diqqət çəkib.

Görənləri şoka salan səhifə qısa müddət sonra Feysbuk tərəfindən bağlanılıb.