Belçikanın Antverpen şəhər administrasiyası rasizmə qarşı etiraz aksiyaları çərçivəsində kral II Leopoldun heykəlini sökdürüb.

Axar.az xəbər verir ki, bu məlumatı Belçika mətbuatı yayıb.

Heykəl şəhərdəki muzeylərdən birinə yerləşdirilib.

Qeyd edək ki, Belçikada başlayan rasizmə qarşı aksiyalarda tez-tez II Leopoldun heykəlləri hücuma məruz qalıb.

II Leopold 1865-1909-cu illərdə Belçika kralı olub. Məhz onun əmrləri sayəsində Belçika ordusu Konqo xalqına qarşı amansız soyqırım həyata keçirib. Nəticədə 10 milyon konqolu ölüb.