ABŞ Suriyada həmişəlik qalmağı planlaşdırmır. Lakin Suriyadan çıxacağımız tarix bəlli deyil.

Axar.az xəbər verir ki, bu sözləri ABŞ Mərkəzi Qüvvələr Komandalığının (CENTCOM) rəhbəri Kennet Makkenzi deyib.

“Mən bilmirəm nə zamana qədər orada olacağıq. Lakin bəllidir ki, həmişəlik orada qalmayacağıq. Haçansa çıxacağıq. Bu, siyasi qərar olacaq və bu qərar bizə daxil olan kimi icra etməyə hazırıq”, - deyə Makkenzi bildirib.

Xatırladaq ki, ABŞ və onun timsalında Qərb koalisiyası 2014-cü ildən İŞİD-ə qarşı mübarizə adı altında Suriyadadır.