Ukrayna Qərbin yardımı ilə Rusiyaya müqavimət göstərə bilər.

Axar.az xəbər verir ki, bunu rusiyalı müxalifətçi, şahmat üzrə dünya çempionu Harri Qasparov deyib.

Onun sözlərinə görə, Qərb hələ Rusiya Prezidenti Vladimir Putinin Ukraynaya qarşı addımlarının qlobal nəticələrini görmək iqtidarında deyil:

"Amma tədricən Qərb bürokratiyası başa düşür ki, təcavüzkarla sülhlə danışmaq mümkün deyil və zərbədən qaçmaq mümkün deyil. Buna görə də, Ukraynanın bu mübarizədə şansları artır".

Qasparovun sözlərinə görə, Putin 1945-ci ildən bəri çətinləşən beynəlxalq təhlükəsizliyin bütün sistemlərini darmadağın etməyə çalışır, amma bu siyasi raundda Kreml sahibi qələbə qazana bilməyəcək.

"O, prinsipcə öz oyununu oynayır. Putin blef etməyi, məzənnəni qaldırmağı bacarır. Nə adi rusların nə də parlamentin fikirləri maraqlandırmır. Ancaq Putin blefinin potensialı tükənir və nüvə şantajına keçib. Düzdür, Putin çox təhlükəlidir, amma o, 40-cı illərin Stalini deyil. Rusiya bu gün həm iqtisadi, həm də sosial cəhətdən kifayət qədər zəifdir", - Qasparov deyib.