Livanda bəzi dairələr dollar böhranını bəhanə edərək xalqı küçələrə çəkməyə çalışır.

Axar.az xəbər verir ki, bunu Livanın Baş naziri Həsən Diyab xalqa çağırışı zamanı deyib.

Baş nazir Livandakı iqtisadi böhranın yaranmasında əvvəlki hökuməti günahlandırıb:

“Ölkəni bu gün yaşadığımız fəlakətə sürükləyənlərin apardığı siyasətin günahını boynumuza yükləmələrinə icazə verməyəcəyik. Dövlət iflas etməyib. Maliyyə çatışmazlığımız var. Ancaq gəncləri və resursları ilə zəngin bir ölkəyik. Biz Livanı iqtisadi böhrandan çıxarmaq üçün hakimiyyətə gəlmişik. Bütün maneələrə baxmayaraq, iqtisadiyyatımızda müsbətə doğru dəyişiklik baş verəcək. Livanlıları bir az da səbir etməyə dəvət edirəm. Çünki korrupsiyaya qarşı sərt mübarizə də aparırıq”.

Qeyd edək ki, Livanda milli valyuta kursunun kəskin azalması fonunda kütləvi iğtişaşlar keçirilir.