Gümridə erməni ailəsini qətlə yetirən rus əsgərinin məhkəməsi başlanır.

Axar.az xəbər verir ki, Valeri Permyakovun məhkəmə prosesi Ermənistanda keçiriləcək. Rusiyalı deputat Oleq Lebedev deyib ki, ekspertizalar başa çatıb, şahidlərin sorğusu davam edir. Bu günə qədər artıq 4 min adam sorğu-sual edilib.

İstintaqın ilkin məlumatına görə, Gümridəki Rusiya hərbi bazasında qulluq edən əsgər yanvarın 12-də hissəni icazəsiz tərk edib. Bundan sonra o, şəhərdə evlərin birinə daxil olaraq, Avetisyanlar ailəsinin 6 üzvünü qətlə yetirib, sonradan xəstəxanada ölən 6 aylıq uşağı isə yaralayıb. Hadisədən sonra Ermənistan-Türkiyə sərhədini keçməyə cəhd etdiyi deyilən əsgərin sərhəddəki Rusiya hərbçiləri tərəfindən saxlanılıb hərbi bazaya qaytarıldığı bildirilib.