Moskva Praqa ilə münasibətləri düzəltmək niyyətindədir, lakin Praqanın düşmən addımlarına səbir etməyəcəyik.

Axar.az xəbər verir ki, bunu Kreml sözçüsü Dmitri Peskov deyib. O bildirib ki, son aylarda Rusiya ilə Çexiya arasındakı münasibətlərə bir sıra təxribatçı ünsürlər daxil olub:

"Buna görə təəssüf edirik. Əlbəttə, hər dəfə onlara lazımi səviyyədə cavab verəcəyik. Ümumiyyətlə, Çexiya ilə dostluq, tərəfdaşlıq səviyyəsində münasibətlərin qurulmasına və davam etdirilməsinə marağımız davam edir. Bu prinsip bütün Avropa ölkələrinə şamil edilir”.

Qeyd edək ki, Çexiyanın Baş naziri Andrey Babiş iyunun 5-də Çexiya-Rusiya münasibətlərinə xələl gətirdiyinə görə 2 rus diplomatın deportasiya edilməsi ilə bağlı qərar vermişdi. Bu gün isə Rusiya Çexiyanın iki diplomatını "arzuolunmaz şəxs" elan edib.