Çarukyanla bağlı parlamentdə qərarın qəbulundan sonra hökumət Konstitusiya Məhkəməsi məsələsinin həllinə keçəcək.

Axar.az xəbər verir ki, bu məlumatı “Joxovurd” qəzeti yayıb.

Bildirilib ki, mayın 13-də Ədliyyə naziri Rüstəm Badasyanın Konstitusiya Məhkəməsi böhranının həlli üçün Venesiya Komissiyasına etdiyi müraciətə artıq cavab alınıb. Buna görə də yaxın iki həftə ərzində Konstitusiya Məhkəməsi ilə bağlı layihənin parlamentə təqdim ediləcəyi gözlənilir.

Qeyd edək ki, bundan öncə Çiçəklənən Ermənistan Partiyasının sədri Qagik Çarukyanın toxunulmazlığı parlament tərəfindən ləğv edilmişdi. Buna səbəb Ermənistan Baş Prokurorluğunun onu 62 milyon dollar vəsaiti mənimsəməkdə ittiham etməsi olmuşdu.