Ukrayna ordusunda artıq generalların həbsi başlayıb.

ANS-in məlumatına görə, bu barədə Ali Rada sədrinin müavini Andrey Parubiy açıqlama verib.

Onun sözlərinə görə, generalların həbsi korrupsiya ilə bağlıdır.

"Bu il ərzində korrpusiya ilə məşğul olan xeyli general həbs edilib. Lakin bütün bunları ictimailləşdirilmədi. Belə lazım idi. ABŞ Ukrayna ordusu üçün quru yeməklər göndərəndən bir neçə həftə sonra həmin yeməklər internetdə satışa çıxarıldı. Bununla məşğul olan xeyli korrupsioner general həbs edildi", - deyə Parubiy bildirib.

Sədr müavini onu da bildirib ki, korrpusiya ilə mübarizə həmişə ictimailəşdiriləcək.

Qeyd edək ki, Ukrayna prezidenti bəyan edib ki, korrupsiya ilə mübarizə erası başlayıb.