Liviyada hər hansı diktatura rejiminin yaranmasına icazə verməyəcəyik.

Axar.az xəbər verir ki, bunu Liviya Milli Razılıq Hökumətinin rəhbəri Fayez Sərrac İtaliya mətbuatına açıqlamasında deyib.

O bildirib ki, qiyamçı Xəlifə Haftar qəddarlığını haqlı göstərmək üçün yalan məlumatlar yayır:

“Tripolinin terrorçuların sığınacağı olduğunu iddia etmək ağılsızlıqdır. Liviya xalqı və beynəlxalq ictimaiyyət ölkədə terror fəaliyyətlərinə son vermək üçün apardığımız mübarizəni çox yaxşı bilir”.

F.Sərrac qeyd edib ki, artıq müdafiədən hücuma keçiblər:

“Bu xain muzdlu qüvvələri gəldikləri yerə göndərənə qədər dayanmayacağıq. Haftarı dinləyən tərəfləri bu barədə düşünməyə çağırırıq”.