Mövcud situasiyada demokratik, yaxud zorakı həll seçimlərinin olmasına qarşıyam.

Axar.az xəbər verir ki, bu sözləri Belarus Prezidenti Aleksandr Lukaşenko deyib.

O bildirib ki, özünü demokratik göstərsə, ölkəni itirmək təhlükəsi ilə üzləşə bilər:

“Məni seçim qarşısında qoymaq lazım deyil. Əgər özümü demokratik göstərsəm, o zaman ölkəni itirə bilərəm. Belə olan halda, il ərzində lənətlənəcəm. Heç kim məni və bizi Belarusun məhvinə görə bağışlamayacaq. Digər variant: məni sadəcə hər hansı zorakı qərarlar qəbul etməyə sövq edirlər”.

Lukaşenko vurğulayıb ki, onun üçün Belarusun suverenliyindən və müstəqilliyindən böyük dəyər yoxdur:

“Bütün həyatımı bu müstəqil dövlətin qurulmasına həsr etmişəm. Heç kimə icazə vermərəm onu sındırsın”.

Qeyd edək ki, Lukaşenko bundan öncəki açıqlamasında müəyyən qüvvələrin ölkədəki vəziyyəti çalxaladığını bildirmişdi.