"İran Yəməndə stabilliyin pozulmasında əsas sifarişçi hesab olunacaq".

Bu sözləri Axar.az-a açıqlamasında politoloq Qriqori Trofimçuk söyləyib.

O, Yəməndəki proseslərin ərəb baharının davamı olduğunu bildirib:

"Belə ki, başqa yollarla onu Qərb istiqamətində diz çökdürmək mümkün olmur. Bununla bərabər, Tehranla İranın nüvə proqramı ilə bağlı aparılan uzun danışıqlar da nəticə vermir. İndi ABŞ İrana başqa istiqamətdən təzyiq etməyə çalışır. Yəməndəki hadisələrdə əsas günahkarlar terrorçu adlandırılan İran xəttinin tərəfdarı olan şiələr olacaq. Yəmən Yaxın Şərqdəki destabilizasiya şəklini tamamlayır. İrana hazırda Yaxın Şərqin çöllərində hərbi təcrübə yığan radikalların göndəriləcəyi istisna deyil. Yəməndəki vəziyyət bir neçə il bundan əvvəl ərəb baharı dalğası altında sarsıldı. O zaman Yəmən baharı hələ özünün məntiqi sonluğuna çata bilməmişdi. Bu gün isə ondan çoxları istifadə edir. Eyni proseslər Suriyada da getdi. Burada 2011-ci ildə müxalifətlə iqtidar arasında başlanan hərbi əməliyyatlar hələ də bitməyib. Ərəb baharı "3+2" formuluna sahib idi. Həmin vaxt Tunis, Misir və Liviya yeni formata sürətli şəkildə keçdiyi halda Yəmənlə Suriya bu işdə bir qədər gecikdi. Maraqlıdır ki, İranın mövqeləri bir müddət öncə Misirdə prezident Mursinin devrilməsindən sonra pozulmuşdu. İndi bənzər situasiyanı biz Yəməndə müşahidə edirik. Bütün bunlar yaxın gələcəkdə İranın xaricdən daha çox blokadaya alınacağından xəbər verir".