Avropa ölkələri üzrə ən yüksək əmək haqqı Danimarkadadır.

ANS-in məlumatına görə, "Eurostat" 2014-cü il üzrə Avropa ölkələrində əmək haqqı səviyyəsini araşdırıb. Təşkilatın açıqladığı rəqəmlərdə Danimarka birincidir. Bu ölkədə işçilər hər saatına orta hesabla 40,3 avro qazanır.

Avropada bu sahədə ən axsayan ölkə Bolqarıstandır - 3,8 avro. Bu rəqəm Avropa üzrə ümumi göstəricidən (24,6 avro) 6,5 dəfə azdır.

Danimarka ilə yanaşı daha beş ölkə Belçika (€ 39,1), İsveç (€ 37,4), Lüksemburq (€ 35,9) və Fransada (€ 34,6) əmək haqqı səviyyəsinə görə Avropada liderlik edir. Bolqarıstan istisna olmaqla aşağı əmək haqqı səviyyəsi bu beş ölkədə Rumıniya (€ 4,6), Litva (€ 6,5), Latviya (€ 6,6) və Macarıstan (€ 7,3) təşkil edib.