Ana səhifə Planet |
"Moskva Suriyanı saxlamaqda, Ukraynada isə ona dost olan rejimin qurulmasında maraqlıdır".
Bu sözləri Axar.az-a açıqlamasında rusiyalı politoloq Dmitri Orlov deyib.
O, Türkiyə və Rusiyanın paralel hərəkət etməli olduğunu bildirib:
"Geosiyasi maraqlar dedikdə biz bütün növ konstruksiyaları sadalaya bilərik. Amma reallıqda hər şeyin fərqli olacağı ehtimal edilir. Bəzən isə hər şey bizim dizayna tam əks olan amillə qarşılaşa bilər. Ukrayna və Suriyadakı situasiyalarda da eynilə bu cür şeylər baş verir. Hələlik müşahidə edilən odur ki, Rusiya hər iki yerdə öz maraqlarından imtina etməyə hazırlaşmır. Hazırda Moskva Suriyanı saxlamaqda, Ukraynada isə ona dost olan rejimin qurulmasında maraqlıdır. Digər məsələ isə bunun nə vaxta qədər davam edəcəyidir. Bundan başqa Rusiyanın Ukrayna və Suriya problemlərində iştirakdan imtina etməsi onun öz simasını itirməsinə gətirib çıxara bilər. Kremldə bunu anlamalıdırlar. Türkiyənin Suriya məsələsində aktivliyinə gəlincə isə onu deyə bilərəm ki, Ankarada artıq çoxları Türkiyə və Rusiyanın maraqlarının paralel hərəkət etməli olduğunu anlayır. Bu, birgə kurs olmasa bir-birinə qarşı da olmamalıdır. Rusiya və Türkiyə elitasının bir hissəsinin maraqlarının rəsmi Moskva və Ankara ilə üst-üstə düşməməsi isə başqa məsələdir".
Tarix
2015.04.01 / 08:15
|
Müəllif
İlkin Həsənov
|