Türkiyə Prezident Administrasiyasının sözçüsü İbrahim Qalın İraq Türkman Cəbhəsinin rəhbəri Ərşad Salehinin tibbi yardımlarla bağlı çağırışına cavab verib.

Axar.az xəbər verir ki, Qalın tibbi yardımların tez bir zamanda göndəriləcəyini bildirib.

“Prezident Rəcəb Tayyib Ərdoğanın təlimatı ilə tibbi ləvazimatlar yardımları hazırlanır və tez bir zamanda yola çıxacaq. Türkiyə hər zaman türkman və iraqlı qardaşlarının yanındadır”, - o deyib.

Qeyd edək ki, İraq Türkman Cəbhəsinin lideri Ərşad Salehi Türkiyədən gələcək yardımlar sayəsində yoluxma sayının azalacağı ilə bağlı paylaşım etmişdi.