Tiflis Şəhər Məhkəməsi aktivist, "Mtavari arxi" telekanalının səhmdarı Giorgi Ruruanı həbsdə saxlamaq haqqında qərar qəbul edib.

Axar.az xəbər verir ki, Ruruanın vəkilləri onun girov qarşılığında azadlığa buraxılmasını təklif etsələr də, ittihamçı tərəf bununla razılaşmayıb.

Bu gün, həmçinin Gürcüstan parlamentində seçki sistemində konstitusion düzəlişlər paketinin üçüncü oxunuşu keçiriləcək. İclasa Vahid Milli Hərəkat və Avropa Gürcüstanı partiyaları Ruruanın həbsdə saxlanılması qərarına görə qatılmayacaq.

Qeyd edək ki, yeni konstitusion düzəlişə əsasən, 2020-ci il parlament seçkisi qarışıq sistemlə keçiriləcək. Belə ki, parlamentin 120 deputatı proporsional, 30-u isə majoritar sistemlə seçiləcək. Seçki baryeri 1% olacaq.

Bundan başqa, 40%-dən az səs alan siyasi qüvvə təkbaşına hökumət formalaşdıra bilməyəcək.

Rurua noyabrın 18-də həbs edilmişdi. O, qanunsuz silah saxlamaqda ittiham edilmişdi.

Müxalifət və Gürcüstanın beynəlxalq tərəfdaşları Ruruanı siyasi məhbus sayırlar.