Türkiyə-Avropa Birliyi (AB) arasındakı ən böyük problem Türkiyəyə qarşı ikiüzlü münasibətdir.

Axar.az xəbər verir ki, bunu Macarıstanın Xarici İşlər naziri Piter Siyyarto Cənubi Kipr səfərində deyib. O bildirib ki, AB Türkiyə ilə necə münasibət qurmaq istədiyini açıq şəkildə söyləməlidir:

“Bu mövzuda ən böyük problem ikiüzlü münasibətdir. AB-yə üzv ölkələrin böyük bir qismi Türkiyə zalda olanda fərqli, zaldan çıxdıqdan sonra isə tamam fərqli danışır. Belə ikiüzlü yanaşmalar və siyasətlər ortalığı qarışdırmaqdan başqa bir şeyə səbəb olmur. Bu mövzuda mütləq səmimiyyətə ehtiyac var. Çünki Türkiyə yaxında dünyanın ən güclü 10 iqtisadiyyatından biri olacaq. AB üçün çox vacib bir ticarət tərəfdaşdır. Səmimi münasibət və yanaşma tələb olunur”.