Avropa Türkiyəyə dəstəyini davam etdirəcək.

Axar.az xəbər verir ki, bunu AB-nin xarici işlər və təhlükəsizlik siyasəti üzrə ali nümayəndəsi Jozep Borrell deyib. O bildirib ki, Suriyada törədilən kütləvi cinayətlər cəzasız qalmamalıdır:

“Suriyada müharibə böyük itkilərə yol açıb. Xalq hələ də qorxu içində yaşayır. Bölgədə sabitliyin təmin edilməsi vacib məsələdir”.

Borrell qeyd edib ki, AB həm Suriyaya, həm də miqrantlara qucaq açan qonşu ölkələrə dəstəyini davam etdirəcək:

“Türkiyə, İordaniya və Livan kimi ölkələr çoxlu miqranta qapılarını açaraq fövqəladə şəkildə həmrəylik göstərib. Suriya xalqının ağrılarını yüngülləşdirmək üçün daha çox iş görməliyik. Diqqəti siyasi həll variantına yönəltməliyik”.