Avropa Birliyinin Gürcüstandakı Nümayəndəliyi Almaniyanın Tiflisdəki səfiri Hubert Knirşə qarşı hücumları qınayıb.

Axar.az xəbər verir ki, bəyanat AB Nümayəndəliyinin saytında yerləşdirilib.

Gürcüstan Xarici İşlər Nazirliyi də Knirşi müdafiə edən bəyanat yayıb. Tiflis müxalifətin Knirşə hücumlarının qəbuledilməz olduğunu bildirib.

Qeyd edək ki, Knirş Georgi Ruruanın adının müxalifətlə iqtidar arasında olan 8 mart deklarasiyasına daxil edilmədiyini deyib. Onun bu açıqlaması müxalifətin kəskin etirazına səbəb olub.

Leyborist Partiyasının sədri Şalva Natelaşvili səfirin dərhal ölkəni tərk etməsini tələb edib.