NASA antikoronavirus boyunbağı hazırlayıb.

Axar.az Qaynarinfo-ya istinadən xəbər verir ki, bu əşya 3D printerdə çap ediləcək.

İnfraqırmızı sensordan istifadə edərək cihaz üzə çox yaxın olan əli dərhal hiss edir. Hərəkət başlayan kimi medalyonun içində olan kiçik mühərrik işə düşür. Beləliklə, tərtibatçılar gözlər, burun və ağız vasitəsilə COVİD-19-in bədənə yayılması yolunun qarşısını almağa çalışırlar.

NASA-dan qeyd edilib ki, bu cihaz-boyunbağı maska və ya koronavirusa qarşı digər fərdi qoruyucu vasitələrin əvəzinə deyil, onlarla birgə istifadə edilə bilər. Bundan əlavə, tərtibatçılar modeli fərqli rənglərdə buraxmağa söz veriblər.

Qeyd edək ki, alimlər öskürəyə qarşı tibbi maskaların effektivliyinin az olduğunu deyiblər. Məlum olub ki, maska asqıraq və ya öskürək zamanı kiçik tüpürcək damcılarının yayılmasının qarşısını alsa da, bununla onun süzmə qabiliyyəti azalır.