Rusiyalılar istəyir ki, Ermənistan onların şəxsi mülki olsun və onu ürəkləri istədikləri kimi idarə etsinlər.

Axar.az xəbər verir ki, bunu “1in.am” saytına müsahibəsində erməni analitik Stepan Qriqoryan deyib. O, Ermənistanda Rusiya televiziyalarının yayımının davam etdirilməsinə heç bir səbəbin olmadığını deyib:

“Niyə Rusiyanın Ukrayna, Gürcüstan və ABŞ-a qarşı təbliğatı Ermənistanda yayımlanmalıdır? Qoy onlar öz təbliğatlarını ölkələrində etsinlər. Siz Ukraynaya qarşı bu proqramların hər gün müxtəlif kanallarda 4 saat yayımlandığını bilirsinizmi? Niyə Ermənistan vətəndaşı bu çirkabı hər gün dinləməlidir?”

Qeyd edək ki, Ermənistanda Rusiyaya qarşı növbəti kampaniyanın başlayacağı haqda məlumat yayılmışdı.