İnternet və sosial media şirkətlərinin ölkəmizdə ən qısa müddətdə hüquqi və maliyyə ortaqları qurması üçün lazımi addımlar atılır.

Axar.az xəbər verir ki, bu sözləri Türkiyə Prezidenti Administrasiyasının İctimaiyyətlə əlaqələr şöbəsinin rəhbəri Fəxrəddin Altun bildirib.

"Cənab Prezident Ərdoğanın bəzi sosial media platformaları ilə bağlı açıqlamalarını təhrif etmək istəyənlərə bir-iki kəlmə sözüm var. Təəssüf ki, bəzi sosial media platformaları bu gün vətəndaşlarımızın hüquqlarını mənimsəyir. Bu sosial media platformaları cinsi istismar, ədəbsizlik, qumar oyunu, saxtakarlıq, terrorizmə təşviq, terror təbliğatı, təhqir kimi məsələlərdə vətəndaşlarımızın hüquqlarının qorunmasına töhfə vermir. Bundan əlavə, bu platformalar ölkəmizdə nəzarətsiz qazanc əldə edir və heç bir vergi öhdəliyi olmadan fəaliyyət göstərir", - Altun deyib.