BMV-nin Yeni Zelandiyanın Oklend şəhərindəki dileri yerli sakin Tianna Marşa yeni 1-ci seriya hetçbek hədiyyə edib.

Axar.az xəbər verir ki, qadının avtomobili almasına səbəb şirkətin 1 aprel zarafatı olub.

Şirkətin zarafat olaraq "Nyu Zeland Herald" qəzetində verdiyi elanda bildirilib ki, istənilən şəxs öz köhnə avtomobilini təhvil verib, əvəzində yenisini ala bilər.

Qadın da yerli vaxtla səhər saat 5:30-da salona gələrək qəzetdəki elanın kuponunu təhvil verib. Şirkətin meneceri isə sürpriz edib: səhər tezdən gələn bu xanıma həqiqətən də təntənəli şəkildə yeni avtomobilin açarlarını təqdim edilib. Beləliklə, 1 aprel zarafatına inanıb ilk müraciət edən xanıma şirkət istisna olaraq doğrudan da maşın bağışlayıb.

Qadına əlavə olaraq NOF00L (Axmaq yoxdur) nömrə nişanı və BMW Driving Experience sürücülük kursunun sertifikatı da verilib.

Marşın əvvəlki avtomobili "Nissan Avenir" auksiona çıxarılacaq. Əldə olunacaq gəlir fiziki qüsurlu uşaqlar üçün yaradılmış fonda veriləcək.