Güney Azərbaycanın Qərbi Azərbaycan əyalətində 468 nəfər koronavirusdan dünyasını dəyişib.

Axar.az xəbər verir ki, bu barədə Qərbi Azərbaycanın səhiyyə xidmətinin rəhbəri və Urmiya Tibb Universitetinin rektoru Cavad Ağazadə məlumat verib.

O bildirib ki, ötən 24 saatda 188 nəfər koronavirus şübhəsi ilə xəstəxanalara yerləşdirilib, onlardan 10 nəfəri dünyasını dəyişib.

Zəncan əyalətində isə son 24 saatda daha 47 nəfərdə koronavirus infeksiyası aşkarlanıb. Zəncan Tibb Universitetinin rektoru Pərviz Qızılbaş əyalətdə koronavirus infeksiyasına yoluxanların ümumi sayının 1739 nəfərə çatdığını açıqlayıb.

Qızılbaşın sözlərinə görə, Zəncanda koronavirusdan ölənlərin sayı 185 nəfərə çatıb. O, xəstəliyə yoluxanlardan 1388 nəfərinin tam sağaldığını bildirib.

Hazırda Zəncanda koronavirusa yoluxan 588 nəfər xəstəxanalarda müalicə alır.