Ermənistan Baş naziri Nikol Paşinyanın fəaliyyətini əhalinin 85%-i dəstəkləyir.

Axar.az xəbər verir ki, bunu “Qallup” (Gallup) şirkətinin Ermənistan üzrə tərəfdaşı olan MPG-nin rəhbəri Aram Navasardyan son keçirilən sorğunun nəticələrini şərh edərkən deyib.

O, ölkədə müxalifətin fəaliyyətini əhalinin 22,7%-nin dəstəklədiyini bildirib.

Parlamentin fəaliyyətinə əhalinin 54,7%-i, hökumətin fəaliyyətinə əhalinin 67,9%-i, prezidentin fəaliyyətinə 79,3%-i, baş nazirin fəaliyyətinə isə 85%-i dəstək verib.

Navasardyanın sorğusu birmənalı qəbul edilməyib. Belə ki, Ermənistanın eks-prezidenti Serj Sərkisyanın keçmiş mətbuat katibi (2008-2010), hazırda yerli media maqnatlarından olan Samvel Fərmanyan sorğunun nəticələrinin şübhəli olduğunu iddia edib. O, Paşinyanın hazırkı reytinqinin 11-13% arasında olduğunu deyib.

Ekspertlər isə Paşinyanın antirusiya siyasəti aparmasına görə Qərb şirkətləri tərəfindən bu cür süni şəkildə şişirdildiyini vurğulayıblar.