ABŞ-ın Açıq Səma razılaşmasından çıxması domino effekti yaradacaq.

Axar.az xəbər verir ki, bunu Rusiya Xarici İşlər nazirinin müavini Sergey Ryabkov deyib.

“Biz domino effektinin mümkün olacağını güman edirik. ABŞ-ı fərqli məsələlərdə müdafiə edən ölkələr Vaşinqtonun təzyiqi altında bu imkanı nəzərdən keçirə bilərlər. Biz bunu istəməzdik, çünki o zaman razılaşma məhv olacaq”, – deyə o bildirib.

Qeyd edək ki, Tramp ölkəsinin Açıq Səma sazişindən çıxacağını açıqlayıb. Buna səbəb kimi Rusiyanın bəzi ərazilərdə, xüsusilə Kalininqrad istiqamətində monitorinqlərə imkan verməməsi, başqa sözlə, sazişi tam icra etməməsini göstərib.