Nüsrə Cəbhəsi terror təşkilatı Suriyada yaşayış məntəqələrini hədəf alır.

Axar.az xəbər verir ki, bunu Rusiyanın Suriyada Tərəfləri Barışdırma Mərkəzinin rəhbəri Aleksandr Şerbitski bildirib.

“Nüsrə Cəbhəsi terror təşkilatına aid mövqelərdən Hələbin Urum əl-Kubra və İdlibin Xantutin qəsəbələrinə 1 dəfə atəş açıldığı müəyyən edilib. Rusiya hərbi polis dəstələri bölgədə patrul fəaliyyətinə davam edir. Eyni zamanda, rus qırıcıları da patrul fəaliyyəti göstərir”, - Şerbitski bildirib.

Qeyd edək ki, Şerbitski ötən gün də Nüsrə Cəbhəsinin latakiyada yaşayış məntəqələrini hədəf aldığını açıqlamışdı.