Türkiyənin şərq bölgəsində əvvəlcədən proqnozlaşdırılan güclü yağış sel və daşqınlara səbəb olub.

Axar.az xəbər verir ki, Qars vilayətinin Akyaka rayonunda yerləşən Qaraxan kəndinin əsas hissəsi su altında qalıb. Muşun Malazgirt rayonun Bostanqaya kəndində isə 50-dən artıq iribuynuzlu heyvanı sel aparıb.

Rayonun 15-dən artıq kəndində əkin sahələrini lil basıb.

Ərzincan vilayətinin Üzümlü rayonundakı Qurd dərəsi seldən daşaraq ətrafı dağıdıb. Yüksək gərginlikli elektrik xətlərinin dəmir dirəkləri aşıb.

Meteoroloqlar bəzi bölgələrdə bu günlərdə əlverişsiz hava şəraitinin davam edəcəyini, sel və daşqınların yaranacağını bildiriblər.