Estoniya Rusiyanın RT televiziyasının yayımını qadağan edə bilər.

Axar.az xəbər verir ki, bu məlumatı televiziyanın baş redaktoru Marqarita Simonyan yayıb.

“İspan və ərəbdilli əhalini RT-dən müdafiə aksiyasına Estoniya da qoşulub. İndi bizim kanalı Latviya və Litvanın ardınca burada da qadağan edə bilərlər”, – deyə o bildirib.

Qeyd edək ki, bundan öncə Estoniya Xarici İşlər naziri Urmas Reynsalu ölkənin Rusiyanın təbliğat kanalı olan RT-nin yayımının dayandırılması üçün Latviyanın praktikasını öyrəndiklərini açıqlamışdı.

Simonyanın ifrat təbliğat siyasəti nəticəsində artıq bu kanal bir çox ölkədə qadağan edilib.