Türkiyənin Moskva səfirliyinə hücum edən erməniyə hökm oxunub.

Axar.az xəbər verir ki, Moskva məhkəməsinin qərarı ilə Artur Mirzoyana 2 il həbs cəzası verilib.

Hökmdən sonra mətbuata açıqlama verən Mirzoyanın vəkili Georgi Şatvoryan qərarın ədalətli olmadığını, yuxarı instansiyalara müraciət edəcəklərini deyib.

Xatırladaq ki, ötən ilin avqustun 18-də Rusiyanın "Dobri Les" şirkətinin baş direktoru olan Artur Mirzoyan Türkiyə Cümhuriyyətinin Moskvada yerləşən səfirliyinə hücum etmişdi. Ov tüfəngi ilə səfirliyin binasına atəş açan erməni iş adamı polislər tərəfindən saxlanmışdı.