Tunis parlamenti bu ölkənin Baş naziri İlyas əl-Fəhfəhi müvəqqəti olaraq vəzifəsindən uzaqlaşdıracaq.

Axar.az xəbər verir ki, parlamentin sədri Rəşid əl-Qannuşi Fəhfəhin “layihələrdə korrupsiyaya yol verməsi” ilə bağlı ittihamları araşdırmaq üçün komissiya yaradıb.

Komissiya sədri İyad əl-Lumi Baş nazirin işdən azad edilməsi məsələsinin komissiyada ciddi şəkildə müzakirə ediləcəyini açıqlayıb:

“Komissiyanın işinə dair ilk hesabat 2-3 gün ərzində parlamentə təqdim ediləcək. Məsələyə iki istiqamətdə baxılacaq. Onlardan biri maraqların toqquşması, digəri isə baş nazirə məxsus şirkətlərin dövlətdən aldığı layihələrdəki korrupsiya şübhəsidir. Bundan başqa, məsələ ilə bağlı şahidlərin də ifadəsi alınacaq”.

Qeyd edək ki, baş nazir ötən həftə parlamentdə ona qarşı irəli sürülən korrupsiya ittihamlarını rədd etmişdi.