İsrailin Baş naziri Benyamin Netanyahu dünya liderlərinin İranla razılaşmağını həzm edə bilmir.

Axar.az xəbər verir ki, Netanyahu bu dəfə ABŞ-ı tənqid edərək razılaşmanın birbaşa İsrail üçün həyati təhlükə olduğunu bildirib.

İranın nüvə probleminin Tel-Əviv üçün ölüm-qalım məsələsi olduğunu deyən baş nazir razılaşma qüvvəyə minənədək dünya ölkələrini Tehrana təzyiq etməyə çağırıb.

Bu barədə Ağ Ev rəhbəri Obama ilə danışan Netanyahunun fikrincə, razılaşma nəticəsində İranın aqressivliyi və terroru artacaq:

"İranın nüvə silahına sahiblənməsi bizim üçün ölüm-qalım məsələsidir. Bundan sonra bölgədə Tehranın aqressivliyi və terroru artacaq. Razılaşma həll olunana qədər prinsiplər dəyişməli, dünya ölkələri təzyiq etməlidir".