Serbiyanın paytaxtı Belqradda polis qüvvələri etirazçı kütləyə qarşı gözyaşardıcı qazdan istifadə edib.

Axar.az xəbər verir ki, təhlükəsizlik qüvvələri hökumətin yeni karantin qaydaları ilə bağlı qərarına etiraz edən vətəndaşlara gecə saatlarında da güc tətbiq etməkdə davam edir.

Etirazçılar polisə daş, pirotexniki vasitələr, müxtəlif yol nişan qurğuları, tullantılar atmaqla müqavimət göstərir.

Qarşıdurma şəhərin müxtəlif bölgələrində periodik olaraq baş verir.

Etirazçıların sayı açıqlanmır.

Qeyd edək ki, şəhərdə növbəti komendant saatının elan edilməsindən sonra əhali küçələrə axışaraq etirazını bildirib.